Regulamento da Copa 5x5
Normas básicas de participación e de xogo da Copa 5x5 de Balonmán na Rúa, organizada pola Deputación de Pontevedra e a Federación Galega de Balonmán.
Formato de xogo
- Partidos de balonmán rúa 5 contra 5, en pista ao aire libre.
- Os partidos xóganse a dous tempos e o resultado anótase por tempos.
- Cada equipo xoga un mínimo de 3 partidos na fase de grupos.
- As semifinais, o terceiro e cuarto posto e as finais xóganse o domingo pola mañá, entre as 10:00 e as 13:30.
- Os partidos de grupos repártense entre o venres pola tarde e o sábado.
- A puntuación por tempos é de 1 punto por tempo perdido, 2 puntos por tempo empatado e 3 puntos por tempo gañado.
Equipos e categorías
- Categorías benxamín e alevín, con un máximo de 12 equipos por categoría e proba.
- Cada equipo debe ter unha persoa responsable maior de 18 anos, que estará sempre no banco durante os partidos.
- Na inscrición pódese indicar unha franxa horaria de indisponibilidade o venres ou o sábado; o domingo pola mañá é obrigatorio xogar. Desde a organización farase o posible por respectala, mais non se pode garantir.
Consentimentos e protección de datos
- Para as xogadoras e xogadores menores de idade é obrigatorio o consentimento da nai, do pai ou da titora/titor legal.
- Os datos persoais empreganse unicamente para a xestión da competición e non se publican sen autorización.
Dúbidas e contacto
Para calquera dúbida sobre o regulamento ou as inscricións, contacta coa Federación Galega de Balonmán no 986 410 618 ou en competicions@fgbalonman.com.